Friday, October 27, 2006

كم جميلا لو بقينا اصدقاء

دوما كنت اعتقد ان الاصدقاء كنز لايفنى...بل كنت اعتقد انهم اقرب الى من اهلى وعائلتى...اصدقائى كانوا دوما بالنسبه لى ملاذى من الدنيا وبدونهم لاتستقيم حياتى ...تحملنا معا كثيرا وعانينا اكثر...كنا دوما لبعضنا فى اوقات الفرح قبل الضيق...كنا نخرج سويا لننسى الدنيا وما فيها
ولكن لست ادرى سبب انتقاء الدنيا لاصدقائى بالذات لتبعدهم عنى ...حسنا اليكم ما كنت دوما افكر فيه
دوما كنت احلم بان يكون اخوتى اصدقائى ولكن هذا لم يحدث واعتقد انكم تعلمون جميعا ان هناك فارق رهيب بين ان تون صديق احدا وان يكون احد صديقك...واليكم الفارق لمن لا يعرف
ان اكون صديقتك اى اكون قريبه منك تستطيع ان تحكى لى جميع مشاكلك واساعدك فى حلها ولكن مشكلتى انا انه من الصعب عليا جدا ان اخرج ما بداخلى لاى شخص مهما كان وسبب هذا خوفى من ضعفى امام الناس ...لذلك كنت دوما اضع اصدقائى فى منزله بمفردهم بداخلى احسبهم دوما نفسى فى المرآه والتى لا اخشى ان اتحدث امامها عما يزعجنى ...ولكننى لفتره ما ابتعدت عن جميع الناس لظروف خارجه عن ارادتى ولكننى عدت اليهم لاجد منهم من بقى على حاله منهم من غيرته الايام والليالى منهم من لازال يريدنى فى حياته ومنهم من بات يكرهنى كاألد اعدائه ...والاسباب واضحه نفوس الناس فى زماننا هذا
اعرف ان متطالباتى فى شريك ذاتى ان يستطيع ان يكسبنى كصديقه قبل ان اكون له حبيبه ...ان يجعلنى بدون ان اشعر اخرج ما بداخلى من احزان والالم سببها دنيا اصبحت امقتها وامقت العيش فيها...خسرت اناس كثيرون فيها وسأخسر اكثر..كل ماذكرته يجعلنى احس باستحاله العثور عليه
يقولون اننى السبب ...عصبيتى وانفعالاتى او تلقائيتى وسرعه تأثرى بالاقوال والافعال...واننى غالبا لا اميز الجد من الهزل ولكن الا يكفيهم مكانتهم فى قلبى الا يكفيهم انهم اصدقائى من لا اكف عن السؤال عنهم او القلق عليهم...الا يغفر لى عندهم شعورى الدائم بمسئوليتى تجاههم
حسنا اليهم اصدقائى
عودوا فلا حياه لى بدونكم...ولا مكان لك سوى قلبى لتنعموا فيه حتى ياتى من يشارككم اياه وقتها اعرف انكم ستبتعدون لست ادرى لماذا ولكننى اعرفكم لن تريدوا ان يشارككم احد قلباً ملكتموه ولكنها سنه الحياه...واعتقد انكم لن تكرهوا لى الخير
بداخلى تتردد تلك الكلمات

وعدى العمر مش خايف على عمرى
لكن قد اللى فات عمرى
ما حسيت انه فات عمرى
كأنى معشتش الماضى
جيت ابدأ من جديد عمرى
شعرك حنى بريق الماس
والقلب باقيله كتير احساس
فى ناس شافتنى وحبيتنى
وناس نسيتها افتكرتنى
وناس عشانها نسيت الناس
فى الشده بعدت وسابتنى
لسه الحياه مش عاجبانى
امشى ولا واقف فى مكانى
جايز خدتنى وودتنى
لا بعدت عنها ولا سابتنى
بس السؤال اللى يحير
عشت الحياه ولا عاشتنى؟
***********
العمر مش عايش ليا
وبعيش لناس غدرت بيا
فى حزنهم ياما اتألمت
وفى فرحهم ضحكوا عليا
مستغرب الدنيا وهى
عماله تلعب اوى بيا
من كتر ما انا شايف منها
مبقيتش خايف احزانها
كل اللى مكتوبلى بشوفه
وانا حسبى ربى...عالم بيا

17 comments:

Diyaa' said...

:((
:((
:((

No Fear said...

رولي
أحيانا الأحاسيس مش بتكون كفاية و خصوصا في بعض الظروف ممكن الإنسان يكون محتاج كلمة ممكن تقولي أنا باللي بعمله مش محتاجة أقول الكلمة دي بس الكلمة دي ممكن بيكون لها تأثير كبير

mariam said...

ياه يا رونى كلمات الأغنية دى بتأثر فى قوى
انا عايزة اقولك ان الناس مبقوش زى زمان بس ان شاء الله تلاقى اصدقاء جديرين بيكى

saso said...

ليه ليه ليه كده يا رنا
صحابك بجد هتلقيهم موجودين حتي لو بعدتوا سنة كلمة او اتنين هترجعوا


مش عاوزة ابالغ واقوللك انهم اهم من شريك الذات زي ماسميتية
اما عن الانفصال الغريب فعلا او عملية الاستبدال اللي بتحصل للصحاب بالحبيب.. ولو اني مش فاهماها بس باحاول اقول زيك سنه الحياة واعذر اصحابي لما يبعدوا.. يمكن هياخدك منهم بس مش تبعدي عنهم خالص

rony said...

no fear
والله ياابنى حتى الكلام مش نافع بس هنعمل ايه نتكلم ونحس ونعذر ومحدش يفكر فينا احنا
--------
mano
الاغنيه تحفه بجد هما بيقولولى انها نكديه شويه بس جميله ...زيها كمان اغنيه حوار مع النفس بتاعه كاظم الساهر رائعه
-------
saso
انا عمرى مافكرت استبدل اصحابى بحبيبى ان شاء الله بس ساعات بتحسى ان اللى قدامك بياخد بس ولما يلاقى حد بيشاركه فى اللى بياخده بيرفض...كتير والله كنت بحس انهم اشترونى ومكنتش بزعل بس لما اتعمل فيا كذا مقلب وكده من ناس كانوا اقرب من اخواتى ابتديت اتضايق من نفسى مش منهم لانى برضه مش عارفه ابطل اعمل كده ...خير ان شاء الله

salateenoo said...

واضح انك اتعرضتي لموقف بايخ .. أثر فيكي .. بس هية دي الحياة ... وعموما اذا كان حد من أصدقائك دايقك بحاجة او بفعلة معينة... أكيد ده أهون بكتييييير لما تلاقي الأنسان اللي انتي معتبراه أعز أصدقائك ... بيخونك

Diyaa' said...

enty msh fhmty wla eh ?:|
:'( = :(( = 7d by3y6 :(

rony said...

سلاطينو
والله ياابنى انا اتعمل فيا كل حاجه من غدر لخيانه للتنفيض والغريب ان كله من انسانه واحده...وانا عبيطه برجع اصاحبها ولا بيهمنى
--------
ضياء
طيب انت بتعيط انا اعمل ايه اكيد مش هاعيط جنبك ويجى no fear
يجيبلنا مناديل و saso تقولنا معلش ياحبايبى انا قولت اعدى الموقف

Diyaa' said...

رديت علي حضرتك

Diyaa' said...

w bgd elo3'nya bt5leny fy el7ala dy fshokrn w kont bs bwd7lk l7sn tkony msh mstw3ba

Diyaa' said...

محمد رسول الله
بعد إذنك هقول رأيي في كلامك الأخير ولو يضايقك كده انسيه برضه :))
وبعدها هعاتبك في حاجة قلتيها
بصي يا رنا ..الأصحاب اللي بينتقدوا مواعيدك في البيت هيكونوا موجودين وقت حدوث أي مشكلة ؟!
الأصحاب دول هيراعوكي أثناء مرضك ؟!
مش ممكن الأصحاب دول ميحسوش بيكي زي أهلك ؟!
الأصحاب دول مش ممكن يكونوا بيداروا علي مشاكلهم بأنتقادهم ليكي ؟
الأصحاب مهمين في الفسح و الاهتمامات المشتركة
ويوم ما يثبتوا أنهم أصحاب فعلا ممكن وقتها نشاركهم همومنا قبل أفراحنا
وبليز يا رنا ..عشان ترتاحي ..متبصيش لموضوع الفيوم ريف ولا مش ريف ..وفي عربيات ولا مفيش ..لأن الشكليات دي هيا اللي جايبة مصر ورا
ما هي مصر فيها عربيات رولز رويس زي بريطانيا
بس هل مصر متقدمة زي بريطانيا ؟
مش بقارن بين التقدم والتأخر ..بقارن بين صفات مجتمع وصفات مجتمع ..يعني مش معني أن عندكم ناس حاطة جيل وبنات مدهولين وشهم ميك أب أن نسبة الجواز العرفي زي القاهرة
مش معني أن عندكم ناس راكبة عربيات وكده يبقي الأنفتاح في الفيوم زيه زي القاهرة ..وده مش شئ نفخر بيه ومش ينفع أتكلم بصفتي قاهري ولا بصفتك من الفيوم أنا بس بتكلم كلام عام ويا ريتني كنت عايش في الفيوم يا ستي ..
يعني حكيك وكلامك و اهتمامك يبقي لمجرد الحكي عن مكان جنيل مش يشترط أنك تكوني من أهله ..لكن ميبقاش انت ظالم الفيوم وهاضم حقها ولازم تصحح مفهومك ده
استوعبي الكلام ده بليز أو قوليلي فكك منه لأن الموضوع مش يهمك ...
وكلمة أخيرة برضه..أهلنا ولازم نستحملهم !!

"واعتبرنى سحبت كلامى كله
وسورى بجد مش هفتح بقى تانى
سلام "
الكلام ده مش تقوليه تاني بليز ...قولي اللي يعجبك وأنا كنت زعلان لأني حسيت بزعلك بس ..وافتحي بقك في أي وقت ولو قفلتيه هقفل المدونة بتاعتي هيه بس :(

rony said...

ضياء
عادى يعنى الموضوع مكبرش ولا حاجه انا بس حبيت اوضحلك وجهه نظر انا شفتها هو يمكن الانحراف عندنا موصلش لسه الحمد لله لنسبه القاهره مثلا والاسكندريه بس يعنى هو فى طريقه ليهم
وبعدين انا اتكلمت على مواعيدى انها بقت منتقده علشان خلاص مبقاش عند الناس فى حاجه اسمها مواعيد ونتاخر وكلام الناس وكده....مش معنى كده ان اصحابى منفلتين ولا حاجه بس يعنى هما عايشين حياتهم وعايشين حياتهم اوى
عادى يعنى انا مزعلتش من كلامك بس انا معروف عنى انى مدب وعصبيه ومش بشوف قدامى لما اتكلم
عموما سورى على اللى حصل

admelmasry said...

جميل

جميل جدا جدا جدا

انا كمان كنت بعاني من نفس المشكلة

وبرده كتبت بويت عن الصحاب

اتاريها مش مشكلتي لوحدي

دي مشكلة بلد بقي

لكن احب اقولك في الخلاصة

ان شعرك جميل جدا

طبعا اذا كان شعرك

زوقك عالي واحساس جميل

بصراحه احب نكون اصحاب

سيبك بقي م الاصحاب الفالسو

جربيني ... دا انا صاحب صفيح

بس ما بيصديش

جربي وهتشوفي

هههههههههه

والسلام
ويجعلة عامر

rony said...

ادم بيه المصرى...الا ده لقب ولا جنسيتك علشان لو جنسيتك احب اسالك فرحان بيها اوى كده ليه
المهم ياسيدى ...المشكله مش مشكله اصحاب على قد ما هى مشكله نفوس ضعيفه شويه ناحيه المصلحه ...يعنى مصلحتى فين يبقى هابيع اهلى فى سبيلها...ولعلمك يعنى ممكن احنا كمان نكون فى نظر اصحابنا اصحاب فالسو محدش ضامن يعنى
ودى اغنيه "عدى العمر" لرضا مش شعرى انا خالص دى بتاعه هانى عبد الكريم والحان طبعا وليد سعد...بس لو انت شايف انى ينفع اكتبها معنديش اى مشاكل
ويشرفنى صداقتك ياباشا ...وهجرى حكايه الصدا ده هايعمل ايه

مـحـمـد مـفـيـد said...

عزيزتي
انتي التي تختارين الصديق وانتي التي تقربيه لكي كم تشائين ولكن دائما ما يحدث اختلاف وجهات النظر ولكن يبقي مقهوم الصداقه احسن من كل شي

rony said...

استاذ محمد
طبيعى ان هيكون فيه اختلافات فى مفهوم كل الناس عن الصداقه او عن اى حاجه تانى فى الدنيا لان مش من طبيعتنا اننا نكون وجهين لعمله واحده
بس المشكله كلها ان انا يكون مفهومى مثلا ان اصحابى يرعوا غيبتى او انهم مثلا ميحاولوش يوقعوا بينى وبين حد او المصيبه الاكبر انهم يكدبوا عليا وهما مفهومهم انهم يعملوا اى حاجه فيا وتشفعلهم سنين صداقتنا ودى حاجه ممكن فعلا اعملها بس فى حالات معينه
وانا مشكلتى انى بختار اصحابى كويس جدا وبرضه بيطلعوا زى اخواتهم اللى قطعت علاقتى بيهم...المهم حضرتك عامل ايه؟

Anonymous said...

well..am sorry for writing in english although everyone in here is dealin with arabic..i just find myself more in english..
1st of all..u hv the same name as mine..
u r livin in a place nearly like the place i live in "Assiut"...Plus u r talkin about the same issue that suffers me..which is FRIENDs..Rony i just wanna tell smthin if u already hv friends then u should be thankful...its really good to hv people around u...i wanna tell u that i hvnt been with a friend for like 2 years...Can u believe it ba2a!! and the people that i thought i can trust..they betrayed me..they stap me in the back...all i wanna say ..hold on to the people u know...the people u've grown up with...the ones who really know who u r..and can defend u with thier lives...those people really worth it all...other than that..i advise u to let go of any kinda friendship that caused u any pain...coz it will happen over and over...ur real friends are the ones who've been with u since KG...just trust me on this..i've chosen wrong people to trust many many times like 100 times..and everytime i didnt get anything but a BETRAYAL...hope u find ur way in that...dats all ..JUST SMILE LIKE YOU MEAN IT :)