كان فيه فراشه صغنططه
مفرفشه ومزقططه
لابسه بلوزه منقطه
على جونله مخططه
منقطه ومخططه
*********
وسط الجنينه لمحتها
وهى طايره فى الهوا
ناديتها بصت تحتها
قولتلها تيجى نلعب سوا
قالتلى طيب يااسمك ايه
انا هاستخبى واختفى
فى اى مطرح هاتلقى
وان كنتى شاطره تعرفى
*********
قولتلها طب يلا العبى ياام جناحات ملونه
يلا ياحلوه جربى
هاتروحى فين منى انا؟
طارت وغابت فى الشجر
وعند اشجار الليمون
غابت تمام عن النظر
ولونها تاه بين الغصون
********
بصيت بعينى مشوفتهاش
بين الشجر معرفتهاش
كان الورق ستر وغطا
انا قولت لأ مبدهاش
مديت ايديا للغصون
وبسرعه هزتها اوى
لاقيت جناح بألف لون
بينفرد وينطوى
فضلت كتير متنططه
وهى طايره مزقططه
اما فراشه صغنططه
لابسه بلوزه منقطه
على جونله مخططه
يلا بقى ياحماده نام ياعسل وكل يوم كده هانغنى شويه لحد ما تنام
تصبح على خير ياحبيب خالتو
عقبااااااااااااااااالى يارب
5 comments:
والله فكره
ممكن اغتيها لعبد الله لما ييجي ينام
بس عبد الله مش بيحب الاغاني بيموت في الكوره
خلاص نلعب ماتش انا وهوه واللي يكسب ينيم التاني
ربنا يعينك على أحمد العسوله الصُغير
على فكره فيه أغنيه للأطفال جميله جدااااااااااا
لعفاف راضى كان أسمها أيه
مش فاكر
بس كانت تقريبا عن دبه أو حاجه زى كده
فاكره أسمها؟
استاذ محمد مفيد
والله انا مليش اى علاقه من قريب او بعيد بالكوره وبلاويها واللى بيجرى فيها
بس لو عبدالله بيحب الكوره نخليه يلعب مع احمد ان شاء الله لما يكبر
--------
مبرمج حر
والله الولد ده تعبنا وتعب مامته وجدته ...مش عايز ينام ابدا وعايز يفضل مفتح عينيه وخلاص
المهم الاغنيه دى مخصوصه ليك مش علشان احمد ولا حاجه
بتاعه عفاف راضى
امشى عنه
روح للدبه نانو
دى تخينه وتستحمل عنه
روح يابرد طوبه
للدبه الدبدوبه
وابعدى عن حبيبى وكل اللى فى سنه
يامطره رخى رخى
رخى على صحبتنا
لكن اياكى تبخى
بردك على ريش كتاكيتنا
رخى رخى يامطره
واسقى شجرنا وبقرتنا
وابعدى لسعتك الخضرا
عن وردايا فى جننتنا
يامطره شيلى شيلى
واسقى شارعى ونجيلى
بس ابعدى عن زغاليلى
اوعى تقربى نحيتنا
شيلى شيلى وازعلى
سرسبى عنا للعالى
واوعى تسرسبى عالغالى
ابعدى عنه ده دنيتنا
يامطره دردبى دبى
سرسبى عالارض واقبى
دبى مطرح ماتحبى
لكن دبى بعيد عنا
يامطره وهاتك هاتك
وسقى الارض بمياتك
لكن حسبى وحياتك
يفلتوا عصافير الجنه
-----
نورتوا
Yesssssssss
مش عارف أقولك أيه يا رونى لأنك
قولتيلى على الأغنيه دى أنا سمعتها
على الراديو مره واحده فى أخر إمتحان
خاااااالص أيام الكليه وعجبتنى جدااااااا
كنت واقف فى البلكونه و باقى ساعه على
الأمتحان و خلاص جبت جاز من خنقة و قرف
الأمتحانات و لقيت الأغنيه دة شغاله على الشرق
الأوسط .. بس أغنيه تحفه خصوصا بصوت عفاف
راضى
شكرااااااااااااااا على رونى
:)
طبعا انتي عارفاني أي حاجة فيها أغاني وأغاني أطفال كمان لازم احط منقاري
آدي يا روني أغنية فراشة
وعلشان مبروج حر آدي أغنية يا مطرة
Post a Comment