ياساتر ياساتر
ايه الاحساس ده
غريب والله غريب...غريب فعلا
حاسه فعلا زى البطيخه
يعنى لو البطيخه اتكلمت هاتقول زيى بالظبط
من يجى كام يوم بتوقيت كوكو الارض مسكت (الدستور الاسبوعى ) وقعدت اقرا اقر اقر...على امل انى افهم ...كان حوار مع سى الاستاذ طلعت السادات واخوته...انور وزين....ولاد اخو الله يرحمه رحمه واسعه من عنده...الرئيس المؤمن "انور السادات" ....قوم ايه بقى
لاقيت بلاد تجيبنى وبلاد تودينى وناس بتزعق وناس بتتخانق
ناس بتقول عاشت مصر حره مستقله
وناس بتقول العنب العنب العنب
قال ايه النظام بيضطهدهم....بتقولوا مين يااولاد...النظام...؟ ليه يعنى ان شاء الله
قال برضه علشان هما بيحافظوا على سيره واسم وتاريخ الرئيس المؤمن الله يرحمه تانى
وقال ايه بقى قال اه
ان الريس مبارك الله يرحمه....قصدى ربنا يطول فى عمر معاليه وماسى يضطهد فى الشعب
نفر نفر
وبعدين قعدوا يعددوا فى مميزات الريس المؤمن السادات ...الله يرحمه برضه
وفجاه رميت الجرنال وقعدت افكر وافكر وافكر
يعنى انا يامؤمن قعدت الفتره اللى فاتت دى كلها فاكره ان السادات كان وحش...وهو حلو؟؟؟؟
لأ ده انا ظالمه اوى
لأ وكمان ملقيتش حد يرد ظلمى البين ليه
ياساتر ياساتر
هى الدنيا بقت وحشه للدرجه دى
وبعدين ده ممكن يقودنى لسؤال وجودى اقوى
ممكن بعد 30 سنه يجيى حد فى اولاد اولادى يقولى
"يا بنت يارنا انتى تعرفى انتى ايه عن مميزات مبارك او عصر مبارك...ده كان ازهى عصور الديمقراطيه والامبراليه والملوخيه بس انتوا اللى شعب ظالم ميحوقش فيكم الا اللى يديكم على حنطور عينيكم"
يعنى الريس مبارك ده طلع اعظم عظمات الرؤساء
ياخررررررررررررابى
وضاع العقل ياولادى
ايه الاحساس ده
غريب والله غريب...غريب فعلا
حاسه فعلا زى البطيخه
يعنى لو البطيخه اتكلمت هاتقول زيى بالظبط
من يجى كام يوم بتوقيت كوكو الارض مسكت (الدستور الاسبوعى ) وقعدت اقرا اقر اقر...على امل انى افهم ...كان حوار مع سى الاستاذ طلعت السادات واخوته...انور وزين....ولاد اخو الله يرحمه رحمه واسعه من عنده...الرئيس المؤمن "انور السادات" ....قوم ايه بقى
لاقيت بلاد تجيبنى وبلاد تودينى وناس بتزعق وناس بتتخانق
ناس بتقول عاشت مصر حره مستقله
وناس بتقول العنب العنب العنب
قال ايه النظام بيضطهدهم....بتقولوا مين يااولاد...النظام...؟ ليه يعنى ان شاء الله
قال برضه علشان هما بيحافظوا على سيره واسم وتاريخ الرئيس المؤمن الله يرحمه تانى
وقال ايه بقى قال اه
ان الريس مبارك الله يرحمه....قصدى ربنا يطول فى عمر معاليه وماسى يضطهد فى الشعب
نفر نفر
وبعدين قعدوا يعددوا فى مميزات الريس المؤمن السادات ...الله يرحمه برضه
وفجاه رميت الجرنال وقعدت افكر وافكر وافكر
يعنى انا يامؤمن قعدت الفتره اللى فاتت دى كلها فاكره ان السادات كان وحش...وهو حلو؟؟؟؟
لأ ده انا ظالمه اوى
لأ وكمان ملقيتش حد يرد ظلمى البين ليه
ياساتر ياساتر
هى الدنيا بقت وحشه للدرجه دى
وبعدين ده ممكن يقودنى لسؤال وجودى اقوى
ممكن بعد 30 سنه يجيى حد فى اولاد اولادى يقولى
"يا بنت يارنا انتى تعرفى انتى ايه عن مميزات مبارك او عصر مبارك...ده كان ازهى عصور الديمقراطيه والامبراليه والملوخيه بس انتوا اللى شعب ظالم ميحوقش فيكم الا اللى يديكم على حنطور عينيكم"
يعنى الريس مبارك ده طلع اعظم عظمات الرؤساء
ياخررررررررررررابى
وضاع العقل ياولادى
وهو ده يااولاد احساس البطيخه اللى بعيشه دلوقتى
خضرا من بره
وواخده كيماوى مسرطن علشان ابقى حمرا من جوه
بس ياترى ياهل ترى ...انا فعلا ظالمه ومفتريه؟
هافكر بقى وابقى ارد عليكم
رنا
هافكر بقى وابقى ارد عليكم
رنا
6 comments:
مش عارفه انتى صح ولا غلط
عموما مفيش اختيارت كتيره نختار بينهم احسن رئيس او احسن الوحشيين بس عموما انا بستريح للسادات اكتر من عبد الناصر ومبارك
بس ده ميمنعش ان اولاده وقرايبه بيكبروا الموضوع شويه وبيعملوا شو وخلاص
عموما تقريبا الاخ محمد نجيب كان احسنهم
كفاية انه فضل طول عمره محددين اقامته
السلام عليكم
بصرف النظر عن إنك سارقة مصطلح البطيخة ده مني
بس فعلا الواحد حاليا في حيرة غريبة فعلا مش قادر يميز بين الطيب و الخبيث
أية الكلام الكبير ده مش عارف
المهم
أكيد في يوم من الأيام هنعرف بس ياريت نعرف قبل فوات الأوان
سلام يا بطيخة
ياسمين
تفتكرى يعنى من وجهه نظرك ان محمد نجيب كان احسن....انا رايى بقى ان اى واحد مبقاش رئيس جمهوريه يبقى احسن منهم
مش عارفه انا بحس انى بفضل عبدالناصر على اساس انه احسن الوحشين
البنت اختى بتعيط كل ماتسمع الاغنيه بتاعه عبدالوهاب اللى بيغنى فيها لعبد الناصر
لما بيقول
عاش عبدالناصر عاش
--------
no fear
ياباشا كلامك كله لازم نعمله قاموس
وده اسمه اقتباس مش سرقه
وانت اساسا تطول انى اقتبس منك حاجه
بلا نيله
وردا على كلامك
افرض اليوم ده جه بعد ما نتكل كلنا
نعمل ايه بقى
....؟؟؟
لما حتقري للناصريين حتكرهي الناصرية وسنينها .. تراهني؟
ماله منقرع؟
مش عارف اذا كان السادات عل حاجات وحشة فمتهيألى هو عمل حاجات تشفعله وتمحى اى حاجة تانية وحشة بس اللى انا متأكد منه ان عمر ما احد هييجى يقول على مبارك كلمة حلوة ابداااااا
سلام يا بطيخة
السلام عليكم
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا
Post a Comment