مش عارف كده حاجه غريبه
لا دى عجيبه
ممكن الواحد يسمع عن قصص حب كتيراو ناس حبت واتحبت كتير
ممكن اقعد احكيلك عن حاجات شفتها وحاجات عرفتها وحاجات عشتها كمان
بس فعلا صعب انك توصف احساس زى اللى عندى ده
انا اه مكنتش اعرفه قبل كده
اه شفته كتير بس مكنتش اعرفه
اه سمعت عنه كتير بس عمرى ماكنت اتكلمت معاه
غريب احساسى لما اتخطبت....بصراحه مكنتش فاكره انه هايبقى كده
بجد حاجه حلوه ...بس حلوه زيه
وهو قاعد قدامى بحس انى شايفه دنيتى بعد كده هاتبقى عامله ازاى
لما بكلمه بحس انى عارفاه من زمان اوى
يمكن الدم بيحن زى مابيقولوا
بس هى فعلا حاجه جامده جدا
وياه بقى لما اول صوت تمسعه يوم العيد يبقى صوته
وياه لما بسافر وابعد عنه
اه هو السفر والبعد عنه وحش اوى
بس يعنى لما تحس انك وحشت حبيبك اوى او انه قاعد مستنيك وبيكلمك كل شويه علشان بس يطمن عليك
ولما برد عليه ويقولى (ايوه ياحبيبى ) ببقى مثلا هاطير خلاص
والمشكله انى مش بعرف اقوله حاجه من اللى جوايا
ببقى قاعده قدامه زى البطه البلدى
اه ساعات بحاول اوصله اللى جوايا بس ساعات كتير مش بعرف
يارب يارب يارب يقدرنى واسعده
علشان بجد هو يستاهل كل خير
12 comments:
طيب يا رب ربنا يقدرك و تسعديه دايما و ما اجمل الاحساس اللي عيشتينا فيه ده فعلا احساس جميل...و عجبني اوي عنوان التدوينة
لم يحدث ابدا ان احببت بهذا العمق
كاظم بئى و احساسه..عموما ربنا يوفقك يا رب و كل سنة و انتي طيبة
سلام
shreef
وانت طيب ربنا يخليك
يارب يارب يارب يارب يارب يقدرنى فعلا على كده
يلا عقبالك فى حياتى ان شاء الله
نورت
-------
لكل حد دخل قالى كل سنه وانا والمدونه طيبين ...بقوله بجد شكرا
وبالنسبه للهدايا خلاص اوكازيون بقى وانتهزوه
-------
محمد no fear فينه ياجماعه مش اول واحد علق عندى المره دى يعنى....لعل المانع خير يامحمد
بجد
انت عندك المشاعر ده وحاسة بيها كده
ماتقوليله عليها
مش خسارة فيه والله
ماتضيعيش فرصة الحب ده أيام الخطوبة
بكرةالزواج ييجى ومايكنش فيه وقت لكده
ربنا يجمعك بيه على خير
يابختك ياقمر وعقبالى يارب
مها..
يا ستي قوليله الكلام ده بنفس الترتيب
وهو هيفرح اوي
:)
ربنا يسعدكم يارب ونفرح بيكم
بسرعة
وك سنة ومدونتك طيبة
قال - صلى الله عليه وسلم - : خير متاع الدنيا الزوجة الصالحة
وربنا يجعلك له زوجة صالحة وهو ونعم الزوج الصالحة
ما أحلى الحياة في طاعة الله
واجعلي دعائكم دائما (( اللهم اجمعنا في الدنيا على طاعتك .... وفي الآخرة في جنتك ))
آمين
وخفي شوية عشان الحسد
((((العين صابتنى ورب العرش نجانى ))))
هو فيه حد هنا عينه وحشه ولا ايه يااولاد...؟
الحمد لله الحمد لله الحمد لله على كل حاجه يارب
بس برضه هاخف حاضر علشان الحسد وكده
saso
ياقمر ربنا يخليكى وعقبالك كده يارب
-------
منذر
اهو بحاول اقلب من البطه البلدى لديك رومي ولا حاجه
بس هو الناس بتبطل تحب بعضها بعد الجواز ولا ايه
ده انا حتى اكتشفت ان كل حب له شكل وطريقه فى كل مرحله يعنى
-------
مها
ربنا يخليكى يارب
عزيزتي هو الجواز في اولة كدة
حب و خطوبة و سعادة و الدنيا وردي في ابيض
ثم تأتي مرحلة الجهاز و فرش البيت
ويبتدي النور يطفي شوية شوية
اسأل الله لك دوام السعادة و المحبة مع زوج المستقبل
بس يعني اول عيل ابقو سموة انا جعان علشان الضرايب
ماشاء الله
اولا الف مبروك متاخره شويه
كلماتك دخلت قلبى وحسيت بها قوى
ربنا يديم عليكى فرحتك يارب اللهم امين يارب العالمين
بسم الله ما شاء الله
ربنا يسعدك ويسعده كمان وكمان وتفضلي تكتبي كلام زي كده طول العمر
ما شاء الله
ربنا يخليكوا لبعض يااااارب
جمييييييل اوى الشعور ده :)
انتى جميلة اوى ومشاعرك حلوة اوى ودمك خفيف قوى ونصحتى ليكى انتى كدة صح انتى فى فترة الخطوبة احتفظى بكل كلمة حلوة لية بعد جوازك علشان يكون فى الحلال وتخدى علية حسنات وكمان يكون لية شىء اغلى من الماس والالماظ
Post a Comment