اذقت يوما مراره الانكسار؟
أأحسست يوما بانك اصبحت صفراً على الشمال...لأا اهميه لك ولا معنى لوجودك؟
دوما استمعنا الى عبارت من نوعيه...اننا كبار المنطقه.وان ريادتنا تزين عروبتنا, معرفش ازاى....والاهم من كل هذا قصص البطوله دوما كانت حكراً علينا نحن المصريين كما كان يصورها لنا اعلامنا الجامد جدا
ولكن دوما ارتبطت الشجاعه والبطوله بداخلنا بالتصالح مع النظام او بمعنى اصح بان تكون هذه البطوله من صنع النظام
مثالا ً على ذلك مسلسلات رأفت الهجان...ودموع فى عيون وقحه...مروراً بالطريق الى ايلات ...ووصولا الى الحفار ويوم الكرامه السادات وناصر 56...وهلم جرجر
ولكن ماذا لو كانت البطوله ضد النظام فى صالح البلد
بمعنى ان تكون البطوله جزءاً من المقاومه المشروعه فى سبيل الحريه...والحقيقه الاتنين معدومين عندنا فى بلدنا
جلست افكر موخراً فى تجربه العدوان على لبنان وسطوح نجم "حزب الله" فى سماء المقاومه والبطوله فى قاموسنا وكيف انه تجسدت كل احلامنا فى العروبه القويه بعيداُ عن اختلافات الديانات والمذاهب فى السيد "حسن نصر الله " كيف تكاتفت وراءه كل قوى الشعب والمنظمات الاهليه وطاوعته انظمه الحكم اللبنانى بالرغم من اختلافها معه فى سبب المقاومه او طريقه بدء الحرب ولكنها ابت ان تجعل من خلافاتها الداخليه سبباً فى زياده العدوان عليها بدعوى انها بلد مفكك وان "حزب الله " غير مرغوب فى وجوده داخل لبنان....وعلى العكس تماما يحدث فى باقى بلادنا العربيه...تدخل الغريب قبل القريب فى كيفيه ادراتنا لبلدنا ...او بمعنى اصح نشرنا نحن غسيلنا..على الملأ علشان اللى مايشترى يتفرج
وجعلنا من الاخوان المسلمين سبباً فى كل النكبات التى حدثت وتحدث وستحدث لمصرنا الحبيبه...الامر الذى يدعونى ثانيه للتفكر فى مصيرنا بعدما اصحبت سياستنا الداخليه اكثر انفتاحيه من سياستنا الخارجيه فكل دول العالم العظمى بلا استثناء تتدخل فى كيفيه قمع الارهاب وكيفيه التعامل مع المتظاهرين ومن تسجنه الدوله ومن تفرج عنه
جلست اتابع احدى قنوات الاغانى...فضا بعيد عنكم...ووجدت ما زاد من اكتئابى..الاولى اغنيه " طير الرماد" لمجموعه من المغنين اللبنانيين والسوريين
عندما تتابع كلماتها تجدهم لم يخشوا ان يذكروا "حزب الله" ان يتغنوا بفضله فى كسر شوكه العدو ومنعه من الاستمرار فى ضرب بلادهم بل وتكبيده خسائر لم يكن يحلم بها
بعكسنا...لقد اصبحنا نخاف فى حياتنا العاديه ان نقول حتى "جزاك الله خيراً" خزفاً من ان يحسبنا احداً من الاخوان واستعضنا عنها ب شكرا او ميرسى او اى من هذا القبيل
واكثر ما أثر فى...أغنيه أحبائى لجوليا بطرس
رائعه وتجعلنى اشعر بالفعل بمدى انهزامنا وانكسرنا واستحقاقنا للموت من الاخر يعنى
بجد انا اكتئبت اوى خلاص بقى وزهقت وعايزين نخلص
حد يشوفلنا حاجه تخلصنا
**************
أحبائى......أحبائى
استمعت الى رسالتكم
وفيها العز والايمان
وانتم مثلما قلتم
رجال الله فى الميدان
ووعد صادق انتم
وانتم نصرنا الاتى
وانتم من جبال الشمس
عاتيه على العادى
أحبائى.....أحبائى
بكم يتحرر الاسرى
بكم تتحرر الارض
بقبضتكم...بغضبتكم
يصان البيت والعرض
بناه حضاره انتم
وانتم نهضه القيم
وانتم خالدون كما
خلود الارز فى القمم
وانتم مجد امتنا
وانتم انتم القاده
وتاج رؤسنا انتم
وانتم انتم الساده
أحبائى....أحبائى
اقبل نبل اقدام
بها يتشرف الشرف
بعزه ارضنا انغرست
فلا تبكوا وترتجفوا
بكم سنغير الدنيا
ويسمع صوتنا القدر
بكم نبنى غداً احلى
بكم نمضى وننتصر
انا كرهت نفسى خلاص....بجد حاسه انى صغيره جدا جدا جدا جدا جدا
حد شايفنى؟
انا مش شايفه نفسى الحقيقه خلاص
5 comments:
كلنا ذلك الشعور يتملكنا من شده التهميش وعدم الاحساس بنا علي جميع الاصعده
ولكن لابد من ان لايتملكنا اليأس لاننا الذي سنغير هذا الوضع شئنا ام ابينا؟
مش عايز نبره الحزن دي مفهوم
استاذ محمد
والله الموضوع بجد بيكبر كل شويه جوايا
لما ربنا يحب يختبر شده ايمانى واتفرج على اخبار التليفزيون المصرى واشوف ازاى الريس بيتصل بكل زعماء العالم بدون استثناء هو اه ده بيخيلنى اسأل فاتوره التليفون بتاعه القصر الجمهورى بتيجى قد ايه ولا الريس عنده موبيل ...طب فودافون ولا موبنيل
المهم يعنى كل الاتصالات دى وعمرنا ماوقفنا مع كلمه الحق ...حاجه تقرف
والله انا عارفه انى المفروض محسش بيأس انا لسه يادوبك خارجه من البيضه بس نعمل ايه بقى...اوعدك هحاول ان شاء الله
دا الطبيعي
احنا في مصر
اوعي تكوني بتفكري في العزة والكرامة والكلام الفاضي دا
انصحك بلاش
ادم المصرى
انت لسه برضه مقولتليش ده اسمك ولا جنسيتك...المهم
عارف اكتر حاجه تضايق انهم رافعين علم "حزب الله" واحنا لسه بنشيل يفط الاسلام هو الحل من الشارع او من قدام باب العماره علشان محدش يفهمنا غلط
بص انا مش مكتئبه ولا متضايقه لا سمح الله علشان انا عارفه ان اخره اللى انا فيه ده انى ...هاسيبها مخضره ان شاء الله
السلام عليكم
أنا بقول لا وألف لا لليأس
وانت بإيدك وبإيد كل واحد مننا إنو يعمل حاجة أقولك ازاي
مثلا قوللي لنفسك أنا عاوزا قاطع كل منتج أميركي أو اسرائيلي وقولي لي مين حيمنعك أو اكفلي يتيم وشوفي ازاي حيدخل الأمل لقلبو وينتقلك الشعور الجميل ده أو انزلي لحي فقير واشتري هدايا للعيال هناك باختصار لو كل واحد مننا حط شوية ماء حنعمل بحر
Post a Comment