انا جيت اهو بعد طول غيبه عليكم بس معلش كانت ظروف خارجه عن ارادتى ...جهازى بعيد عنكم جاله امراض كتيره اوى وكل دكاتره السيبرات فشلوا فى علاجه لحد مهو عالج نفسه الحمد لله
والله كتير اوى كان بيبقى جوايا كلام نفسى اقوله وادخل اكتبه واطلعه علشان الحقيقه كان بيتعبنى اوى بس معلش اهو برضه صاحبت الورق والقلم شويه وكتبت كل اللى فى نفسى بس للاسف مش هاينفع يتكتب هنا
المهم انا بقول النهارده ادخل عليكم دخله خفيفه كده واقول اخر اخبارى الفنيه ...لا مش زى ماانتوا فاكرين مش هنزل السى دى بتاعى دلوقتى انا لسه بشفق عليكم ومش هاسمعكم صوتى علشان الامراض والحاجات دى ...بس اللى هاقوله دلوقتى اخر خبر فعلا
وبقوله علشان no fear
كان ناوى يذلنى بيه بس على مين انا بقوله للامانه العلميه مش اكتر
كنت كتبت مره قبل كده بوست اسمه (على فكره ماعندك فكره ) كان رايى فى المجتمع من حواليا وقولت فى اخره ان اختى الكبيره هاتجيبلنا بنوته هاتبقى اول الاحفاد وهتاخد دلع محدش ادلعه
يؤسفنى اقولكم ان البنت استوت وهاتبقى ولد ان شاء الله ومحدش يسألنى ازاى لان احنا شخصياً مش عارفين
هى الدكتوره فضلت اربع شهور تقولنا انها بنت ويوم الخميس اللى فات بالصدفه البحته عرفنا انها ولد مش انها بنت ...الحمد لله طبعا على كل حاجه وهايدلع برضه ان شاء الله
عموما دى اخر اخبارى انا واخر اخبار الدنيا حواليا زى ما انا شايفاها من بكره نقولها ان شاء الله
تصبحوا على خييييييييييييييير
رنا
Subscribe to:
Post Comments (Atom)
6 comments:
مبروك الولد :)
ميرسى اوى يااحمد
بس والله احنا لسه مش عارفين هنعمل فيه ايه لما يشرف
واصلا انا خايفه يكونوا اتنين وكل دكتور شايف واحد...ربنا يستر
عقبالك
hamdla 3la elsalama
nawarteena begad
wahashna kalamic elgameel
يا صباح الخيرات يا رنا...ازيك وعملى ايه...ايه يا بنت هو احنا مش معزمين عالسبوع ولا نويا تخلصي عليه لوحدك...لاء الا السبوع يا حبيبتشي..انا محبش حقي يكلو حد غيري....اما جاية يعني جاية بعزومة من غير عزومة انا مليش دعوة بقه شفلكو حل...(رزلة مش كدة...) انا عرفة...بس ربنا يقوم الاخت بالسلامة ويتربا فعوكو يا رب.......اكي حسمنا موضوع السبوع عوزين بقه حاجة كدة حلوة نحلي بيها من مواضيعك التحفة الجميلة الي معودانا عليها دايما...يلا شدي حيلك كدة واعمليلك همة وتسبناش مستنين كدة كتير اكييييييي....يلا خدي بالك من نفسك ويا رب منورة دايما...
يا بنتي ماتخفيش ..حتى لو كانو اثنين ..سيبيها علي وانا حسعدك علشان انا كبرت في الحاجات دي ولما عجزت جابتلنا اخر العنقود في البيت توامين وانا طبعا الي بربي يعني حقدر اديكي فكرة كويسة بردو ...منا منا مخلفة قبل متجوز يعني.........شفتي النيلة ...في ناس تتجوز وتخلف وناس بقة نصيبها تربي بس....
ولد بنت ..كله بيقول واء وبيبل الكافولة وبيطلع عينينا بس بنحبهم لحد ما يكبروا ويتنططوا علينا
بس أنتي متأكدة أن الدكتورة في ال 4 شهور دول كانت لابسة النضارة ؟
مكانتش عاملة محضر سرقة نضارة طبية يعني ؟!
يؤسفني أنك تقولي لأ ...لأن كده تبقي دي خريجة جامعة خاصة
مبروك وعقبال اللي في بالي :))
Post a Comment