"وقد اغلقت عده مدارس فى الجيزه بسبب انتشار الحصبه الالمانيه بين طلبتها"
"وقد اعلنت منظمه الصحه العالميه جمهوريه مصر العربيه كبؤره من بؤر مرض الايدز بعد اكتشاف من 36 الى 39 حالات الاصابه بالمرض خلال شهر مارس فقط"
"ظهور 1032 نخله مصابه بسوس النخيل فى الشرقيه وحده والمرض يهدد بالقضاء على كل نخيل مصر لانه ينتشر من خلال الهواء "
"ومضات من الشهب المحترقه فى سماء مصر حتى 25 ابريل"
لو حد متابع كويس اوى للاحداث دى هايعرف انه خلاص
مصر بتحتضر يارجاله
انفلونزا الطيور واخدت كل الطيور
البقر وجاله الحمى القلاعيه
كده مش فاضل فيكى يامصر غير فيرانك ونملك وصراصيرك
ودول بقوا ثروه قوميه هانتغذى عليها المرحله الجايه
علشان كده انا من مزنقى هذا _كرسى المكتب
بنادى واطالب بان اى حد يشوف فار او صرصار او حتى نمله يعاملها معامله كويسه
دول اللى فاضلين لينا
بعد جنون البقر وهرب الجديان وجنون النسوان
ربنا يستر علينا
اعتقد انه خلاص مفيش حاجه تانى فى العالم سوا امراض او كوارث محلتش علينا
اللهم لا اعتراض طبعا
بس مش دول يبقوا مترفينا اللى فسدوا فينا
يبقى ده غضب ربنا
ويبقى مفيش فى ايدينا الا اننا ندعى
اللهم ارفع غضبك ومقتك عنا
يارب
10 comments:
Nothing can be said more than what you said.
اللهم ارفع مقتك وغضبك عنا
والله الواحد مش عارف يقول ايه
اللهم ارحمنا
قبل ما ربنا يرفع غضبه ومقته عننا ..مش ممكن إحنا نرفع الغضب ده بإيدينا ؟!
متهيألي ممكن بس صعب طالما الناس متربية غلط ..أو بالأحري مش متربية ...باستثناء نسبة الجهلة أو نسبة الناس اللي قلوبها نضيفة أوي بس مش لاقيين فرصة يعملوا حاجة
أو بيرحلوا عننا قبل ما يعملوا حاجة
ربنا يستجيب لدعائك يا رنا ...
ويستر علي البقية الباقية من دولة كانت في يوم من الأيام مسلمة
سلام عليكم
ممكن تشيلي لي صرصارين معاكي لحد ما آجي؟
هم يبكي وهم يضحك
أساسيات الحياة بقت مهده .. أمال فاضل إيه؟
دي مش بلدنا ... إحنا ضيوف
lesafaker
قول يااااااااااااارب
--------
محمد مفيد
يعنى مش عارفين نقول ايه وكمان مش عارفين نعمل ايه
ربنا يستر
-------
ضياء
ازيك عامل ايه
فينك ياابنى يارب كده تكون كويس
المتربى واللى مش متربى مش مشكلتنا دلوقتى لان الاتنين مش بيحاولوا يعملوا حاجه
عادي يعنى
------
يامراكبى
ياسلام...ياباشا انت تؤمر وهو احنا عندنا كام مراكبى
بس حضرتك تحب الصرصار مقلى ولا مشوى
بصفر ولا ملوش صوت
يعنى احنا عندنا فرايتى جامده جدا
وبالنسبه للنمل يه تشكيله هايله هاتنزل
--------
سلاطينو
اما هى مش بلدنا امال احنا قاعدين فيها ليه هو فيه ضيف بيقعد كل ده
--------
انا اسفه انى اتاخرت فى الرد عليكم بس للاسف جدتى اتوفت يوم السبت ونفسيا حالتى زى الزفت
بليز اللى داخل يدعيلها بالجنه والرحمه ويدعيلى بالصبر
mafeesh faydaaaaaa :D
e7na keda lazem neshof 2yam soda 3shan nemshy kwys e ne3dal 7alna :D
الواحد حزين بجد على اللى بيحصل ده
ليه احنا
وايه كل اللى بنشوفه ده
ربنا يرحمنا برحمته يا رب
ايه دا بجد ؟؟
البلد بتولع .. طب خير خليها تنضف
تعرفى صح كدا .. لما الحاجة تخطلط بيها الكويس بالسيئ ويبقا صعب الفصل لازم نتخلص منها كلها
الحمد لله على قضائه .. بس عامة متخفيش .. اكتر من كدا وبيعدى
تحياتى
نسيتي تقولي التعديلات الدستوريه ومخاوف التوريث وحفريات الاقصي وتحرشات امريكا بسوريا وايران
العالم كله بيولع ياروني وربنا يسترها
شايف انك مزوغه من زمان
عاوزين نشوف الجديد
تحياتي
Post a Comment