مدونتى حبيبتى
وحشتينى اوى اوى اوى
عارفه ياحبيبتى ان النهارده بقالنا سنه نعرف بعض...بقالك سنه مستحمله ضيقى وفرحى وزعلى ونكدى
فرحتى معايا لما فرحت وخلتينى اكتب الكلام الفاضى اللى جوايا لما زعلت
مش عارف بقى اقولك ايه ..بس بجد لولاكى
كنت هابقى لسه بكلم نفسى قدام مرايه الحمام
كنت هابقى لسه شايله كلام جوايا كتيرومش لاقيه حد يسمعه
ومش لاقيه حد اقولهوله اساسا
بس بجد
انتى جتيلى فى وقت تماما....كنت لسه داخله الواحد والعشرين وفضلتى معايا لما دخلت الاتنين وعشرين وهاتفضلى معايا ان شاء الله لحد ما اولادى يفتحوا وصيتى يلاقوا عنوانك فيها
هو انا يمكن هاتجوز ومش هايبقى عندى كمبيوتر او لو جبته ممكن مش هابقى فاضيه زى دلوقتى
بس اوعدك انى هافضل اكتب فيكى دايما على قد مااقدر
*محلوظه جامده جدا*
التورته اللى فوق دى للناس اللى داخله تهنى
وكالعاده
اللى داخل بهديه يقف على اليمين
واللى داخل بأكل المطبخ على الشمال
واللى جاى وايده فاضيه يقعد فى مدونته احسنله
الدرس الجاى.....مستقبل مصر فى عالم متغير
جمال (اسم الله على مقامه) مبارك وبرنامج وجهه نظر
5 comments:
السلام عليكم
الحمد لله أن أنا أول واحد أعلق علي البوست المهم ده
كل سنة و أنت و المدونة بخير
أنا كمان عاوز أشكرك علي إنك اللي عرفتيني علي هذا العالم الرئع و فعلا زي ما قلتي جت في الوقت المناسب تمام الواحد كان هيتجنن لو معرفش عالم المدونات هو أة أتجنن به بس مش مشكلة
لولا إن النهاردة يوم عيد كنت عاتبتك قوييييييييييييييي
كل سنة وأنت طيبة
عقبال ما تم 100 سنه و تحتفلى بيها كده
كل سنه وانت طيبه
رمضان كريم
السلام عليكم
هو عيد الميلاد الأول و الأخير و لا أية
فين إبداعاتك من كرسي المكتب
السلام عليكم
أختي العزيزه
كل عام وانتي بخير وعيد سعيد عليكي وعلي الاسره كلها
وربنا يجعلك ممن قبلوا في رمضان وممن يدخلون الجنه بخير حساب
وان يديم عليكي نعمه الصحه وراحه البال
وكل عام وانت بخير
أنا مش إيدي فاضية ولا حاجة .. بس مش هينفع أبعت الهدية بال
DHL
لحسن تسيح
:-D
كل سنة وإنتي والمدونة طيبي
Post a Comment