على غرار الافلام العربيه القديمه اوى
والقديمه نص نص
انتشر تجار المخدرات تقريبا على طول امتداد طريق مصر الفيوم الصحراوي
وبقى مشهد عادى جدا وانت راكب عربيتك وماشى فى امانه الله
انك تلاقي على ايديك اليمين والشمال على السواء
عربيتين احدث موديل ونازل منهم ناس جوه الصحرا شويه
وماسكين ما يخيل ليا انهم شنط
واكاد اجزم انهم بيقولوا
العمليه فى النمليه
او الازازه فى البزازه
او رائعه سميره سعيد والشاب مامي
يوم ورا يوم...حبيبي
ماجانى نوم...حبيبي
الله اعلم بمدي تطور كلمه السر يعنى
المهم انهم زمان كانوا بيقفوا بالليل بس
دلوقتى بقوا فى وضح النهار
ومحدش بيهمه حاجه
ومع غياب كامل لاجهزه الامن بقى الموضوع عادى
وتطور كمان للهجوم ساعات على عربيات الناس المسافرين وسرقتهم
بيقولوا يامؤمن انهم زمان كانوا بالليل
قوم جات قوات الامن وعملت حملة وقفلت الطريق الصحراوى وبيقولوا برضه انها صفتهم
بس تقريبا ارواحهم وعفاريتهم اللى بقوا يقفوا فى عز النهار
يلا خير ان شاء الله
والله انا قولت للسواق بتاعنا ادخل رعش النور ليهم فى الضلمه
يمكن حد يديلك شنطه وهما مش واخدين بالهم
عادى بقى
5 comments:
بالنص بقى .. أنا مستعد أروج لك البضاعة .. رغم إن الدفاس والدقشوم ماتوا .. بس ممكن نتصرف
الناس دي لو عرفت انك فقساهم
الدنيا هتطير فيها رقاب كتير
فداري ع شمعتك تزيد
وبعدين انا ممكن اتضامن مع المركبي ونعمل اجدعها مثلث درجز فيكي يا منطقه بس نقو كلمه سر حلوه
وحشتيني ياروني والله
ومتغيبيش والنبي تاني عننا
و(بست وشز فور يو)0
انا معاكو يارجالة اصلي مزنوقة في قرشين كدة اشتري بيهم المرسيدس
واللي ياكل لواحده يزور
مصر بلد الأمن والأمان
من حق تجار المخدرات يشتغلون من غير اضطهاد
ناس بتصحي بدري وبتتاجر بدري علشان تروح بدري
مضايقينك ليه بس:)
لمحت المنظر ده مره
بس متوقعتش انه ظاهره
وخصوصا اني منزلتش الفيوم كتير
كان بالليل للامانه
ثم يابنتي البلد بتشجع الحشيش علشان تقاوم البانجو
سياسه دوله يعني
طيبه قوي....
سلام وحلوه روح المدونه علي فكره
Post a Comment