مش عارفه
حاسه انى عايزه اكتب
بس نسيت الكتابه
حاسه ان نفسي اعيط
بس دموعي مش راضيه تنزل
حاسه اني مبسوطه اوي
وخايفه ازعل
فيه واحد صاحبنا هايدخل يقولي يابنتى افرحي شويه
وبلاش تنكدي علي نفسك
ده كلهم شهرين
بس وما ادراك ما الشهرين دول
شهرين وحلم حياتنا انا وهو هيتحقق
شهرين وهانبقى فى بيتنا
شهرين ومش هانسيب بعض تاني
شهرين ودبلته هاتبقى فى الشمال
(مع انها فى الشمال من يوم كتب كتابنا )
شهرين والناس هاتقتنع انى بجد بقيت مراته
المهم بقى فى الشهرين دولايه اللى بيحصل
خايفه ومش عارفه هابقى قد المسئوليه ولا لأ؟
خايفه مقدرش اسعده زى ما يستحق
(بكره ده لسه حكايه بعيده لسه فى علم الغيب )
ده محمد منير فى مداخله مع افكاري
هاتجنن خلاص
انا بجد الحمد لله مبسوطه اوي بيه
يارب هو كمان يبقى حاسس بكده
وحشنى اوي البلوج بتاعى
وحشنى اقعد بالليل افكر اكتب ايه
كاني كنت بكتب جواب لحبيبي
بس حبيبي دلوقتى بقى معايا
بفكر اعتبر البلوج ده واحد من اولادي
واكتبله لحد ما ربنا يكرمني بنونو صغير
ياررررررررررررررررب
ويطلع حلو زى بابا
يارب
6 comments:
السلام عليكم
:)
ربنا يوفقكم يارب و يبارك لكم
و يارب تسعديه يا ستي و مش هاقول اللي أنت قلتيه
:)))
فعلا وحشتينا جدا جدا جدا جدا
:)
يارب تعيشوا فى تبات ونبات وتخلفوا صبيان ونبات
مبروك مقدما وربنا يتمم بالخير ان شاء الله
مبروووك و ربنا يتمم بألف خيير
و ربنا يوفقكوا ان شاء الله و يسعدكواوتبقي قد المسئوليه :)
بعد اللى الجملة الرهيبة دى ممكن يتقال حاجة
بكرة ده لسه حكاية بعيدة لسه ف علم الغيب
عيشى وقتك عيشى ايامك دى الدنيا براح قدامك
وكلها يومين وان شاء الله تغنى لبنتك
راحوا الصبايا والصبايا جم أجمل مافيهم مين غير بنتى
الف الف مبروك وربنا يتمم بخير ان شاء الله
يا ستي اللي يتجوز لازم برضه يمر علي مدونتة من وقت للتاني
:)
ربنا يسعدكم يارب دايما
Post a Comment