معلش ياجماعه استحملوا بقى اول تاج اجاوب عليه ...قدركم بقى
هل انت عقلانى اكثر ام عاطفى؟
الحقيقه انا دايما بفكر فى نفسى على انى مجنونه بس اول مره افكر انا عقلانيه ولا عاطفيه بس بما ان العقل والجنون مش بيجتمعوا فى اى انسان يبقى انا عاطفيه
صف شخصيتك فى خمس كلمات
مجنونه...حساسه اوى...طفله كبيره...متمرده ...لاسعه جدا
اذا كان لكل انسان شبيه من الحيوانات..اى حيوان يشبهك؟
اعتقد القطه فى مكرها وذكائها انها تاخد اللى عايزاه منك يامسكين وانت مش عارف
ماهو لونك المفضل؟
الازرق بدرجاته وساعات الروز
هل انت اجتماعى اكثر ام منعزل؟
اجتماعيه جدا جدا جدا لدرجه انا شخصيا بستغربها
ماذا يشكل اصدقائك بالنسبه لك؟
كل حاجه واحلى حاجه واهم حاجه من غيرهم مليش معنى او وجود او كيان
هل انت مرتبط بعائلتك؟
احم وليه الاحراج ده..الحقيقه انا مرتبطه بامامتى واختى الصغيره بس علاقتى بابا وباقى اخواتى عاديه
هل انت عصبى اكثر ام هادئ ؟
ياجماعه بقولكم مجنونه هابقى هاديه ازاى يعنى
عصبيه جدا طبعا
هل تفضل فصل الشتاء ام الصيف؟
الشتاء طبعا علشان بحب المطر جدا واقف اغنى بقى حبيبى والمطر وعموما الجو المقلوب بيفكرنى بنفسى لما اتعصب
متى اخر مره بكيت فيها؟ولماذا؟
اخر مره ومش قدام حد طبعا كانت امبارح الصبح علشان كنت حاسه انى مظلومه وهاخسر صديق بس الحمد لله ربنا ستر
اطلب من الاتى اسمائهم حل التاج
انا معرفش حد كتير لسه بس اللى اعرفه هاعترف عليه
محمد هشام صاحب مدونه من نفسى
Subscribe to:
Post Comments (Atom)
10 comments:
واضح ان المدونين الجيدين سينضم اليها واحده رائعه في التعبير
توغلي في عالمنا فهو عالم سحري
ولا تخفي من خوض التجربه
وكل عام وانتي بخير
أزيك يا رنا
أخبارك أية
كل سنة و أنت طيبة
من أنت ؟
فاكرة السؤال ده
نفسي أعرف الإجابة المشكلة إن التاج ده محير أكتر
كفاية كده عليكي
سلام
اسئلة جميلة جدا
لكى يعرف الانسان
من هو
وعلى اى ارض يقف
ولكن هل سنعرف نجاوب بصراحة
اشك
لان نحن لا نرى انفسنا كما يرانا الاخرين
تحياتى
محمد مفيد
------
ميرسى اوى لزوقك ويارب بس انفع
gwad
-----
صحيح ان اكتر حاجه بتحير فى الدنيا دى انت شايف نفسك ازاى؟؟وازاى الناس شايفاك؟؟وهل وجهه نظركم متفقه مع ان العالم الطبيعى مفيش اتنين بيتفقوا على حاجه فيه...بس حتى لو ضحكت على الناس اكيد هابقى ساذجه اوى لو حاولت اضحك على نفسى...واخفى حقيقتى
no fear
----
هارد عليك بس اكون فاضيه ان شاء الله واقولك انا مين وفين وازاى بس انت عارف ورايا مجلس الوزراء لازم اديره
ام هند...قريب ان شاء الله هارد عليك
تحياتي ولحد عندكم جي اقول
بمناسبة الشهر الكريم كل عام وانتم والأسرة الكريمة وكل الأصدقاء والأحباب بالخير ومصرنا الحبيبة كلها بالخير واليمن والبركات
الصراحة بتشع من أطراف البوست و التاج وده أجمل كا فيه وواضح أنك عصبية من الحروف اللي بتتكتب غلط في أي بوست بتبقي مستعجلة كده و متحمسة و ده بيدل انك مش بتكتبي للتسلية يعني و استمري في التدوين لأنك جواكي فيلسوفة بسيطة و عنيدة في نفس الوقت
نسيت حاجة
رمضان كريم
يا مصر هاكتب ليكى رسايلى
-----------
اكتبها ياعم وحد منعك وابقى سلملى عليها اوى وقولها كل سنه وهى طيبه...وكل سنه وانت طيب
diyaa'
------
الحقيقه طول عمرى بقول انى عصبيه والحقيقه عمرى ماانكرت ده...وحكايه الحروف اللى بتطلع غلط علشان بس بكتب بسرعه وغالبا مش ببص على الكى بورد وانا بكتب _تمكن بقى _ بس حكايه فيلسوفه دى صعبه شويه انا الحمد لله على قدى اوى...بس سيبك لو انت كتبك فيها علم ابقى اسال اى حد كان او مازال فى كليه تجاره وهو هايقولك ان عندنا بتنجان فى الكتب...ميرسى اوى على زوقك واوعدك هاحاول اراعى الحروف الغلط بعد كده
وكل سنه وانت طيب والله اكرم
يا باشا ..الغلطات دي متضرنيش لأني بعمل شات من زمان و بعرف اخمن الحروف الواقعة دي ملحوظة بس بتأكد كلامك يعني ..
الفلسفة مش كتب و هلفطة و ووجع دماغ ..الفلسفة أنك تفكري و يكونلك تفكيرك البسيط المنفرد ..مش طبعا منفرد في العالم بس علي الأقل في البيئة اللي نشأتي فيها
و بالنسبة لتجارة فأنا مصدقك من غير ما تقولي حاجة والله ..
متشكر علي زيارتك و يا رب تتكرر
انا عارفة إنى جاية متاخرة بس زى ما هم قالولك انتى جواكى فيلسوفة إستمرى و ربنا يوفقك و معجة بلسعانك
Post a Comment