يا كل اصحابى البلوجريه
احب ازف ليكم الخبر التالى
خبر هايفرحكم قد ما فرحنى
هايسعدكم بعون الله قد مااسعدنى
لا لا لا مش هاتخطب لا سمح الله
لان الخبر ده هايزعل المعجبين منى
وهايزعلنى انا شخصيا
مش علشان الجواز والخطوبه والحاجات دى
بس ده هايبقى اعتراف رسمى من السلطات انى...كبرت
وبما انهم هايعترفوا انى كبرت يبقى هايعترفوا انى عقلت
ودى سابع المستحيلات
المهم يعنى الخبر بقى مش عايزه اقولكم
كليتى...جامعتى...دفعتى
قرروا يستغنوا عن خدماتى الجليله
واعلنوا رسميا
انى بقيت عاطله
الحمد لله حمداً كثيراً مباركاً طيباً
دلوقتى وبكل الفخر يملؤنى اقدر اقولكم
انى من بخره الصبخ (على راى اللمبى ) اقدر اروح اخلص ورقى
وطبعا هاوفر عليكم مهاترات انا ليه مخلصتش ورقى قبل كده
وخلينا فى انى خلاص هاخلصه
وهانضم لجموع العاطلين منكم
نبص للى بيشتغلوا ونقول ياريت
ونستنى اللى مخلصش يجيى يونسنا
انا مش عارف المفروض انبسط ولا لأ
افرح انى خلاص ارتحت لابد
ولا ازعل انى هابقى عاطله
قال يعنى كنت فالحه اوى فى الكليه
وكلام بينى وبينكم طبعا انا كنت رهيبه فى الكليه
كنت بذاكر انا واصحابى مقررات الصبح واحنا رايحين الامتحان..فى المكيروباص اللى كنا بنركب فيه
و اخد مننا رقات الحقيقه
المهم يعنى خلاص انا بقيت حررررررررررررررره
من الكليه طبعا مش بتاعه احسان عبد القدوس
وهافضى بقى وهادور على شغل بقى
ومش هلاقى
وغالبا هعمل زى كل الشباب مابتعمل
ايوه زى ماانتوا عارفين
هافتح محل موبيلات
اى خدمه
يلا حد يسمعنى زغروده علشان مش بعرف اعمل العمليه دى
Subscribe to:
Post Comments (Atom)
14 comments:
كنتي فين يا مضروبة......مبررررررررررررررروووووووووووووك يا حبيبت قلبي....وباسم كل العوطلية بقلك يا اهلا ومرحبا شرفتينا وحيبقى نهارنا فل وايامنا عسل طبعا....رنووووونا عندنا يا مرحبا يا مرحبا..والله ليكي وحشة بجد انت غبت علينا ليه بس هو في حد مزعلك ولا حاجة قوليلي بس وانا اخد لك حقك انت تشوري عليه بس ......انت متعرفيش غلوتك....بس سيبك انت ربنا يوفقك وتلاقي وضيفة عسل كدة زيك..وتحققي كل الي بتتمنيه....يا عسل يا الي من غيرك البلوجر ضلمة اوي...والله انت وبرايد...واحمد واوسة حاجة كدة محصلتش...
لولولولولولولولولوووللولولولولوليييييييييييي
مبروك يا روونيييي مبروك ياحبيبتي تعالي ياحبيبتي نورتينا علي فكره انا عاطله كمان من سنتين تعالي بقي نورينا
اه نسيت ازغرت.....وادي زغروتة لعيونك الحلوة...لللللللللللللووووووووووووووووووووووووللللللللللللللللللللللللييييييييييييييييييييييي...وكمان امممممممووووووووواه لخدودك ..يا حبيبتشي
سندريلا
مش عارفه ليه كل الناس افتكرت ان النونو شرف ...مع انه لحد من شويه كان لسه فى بطن الست والدته ...انا قصدت بغداً استعارده مكنيه على اساس ان غدا لناظره قريب وكده
المهم السبوع ان شاء الله على العيد الكبير ...جه واحد نعمله سبوع اتنين نضحى بواحد ونعمل سبوع للتانى
بالنسبه بقى لموضوع الكليه والشغل والحاجات دى...الله يبارك فيكى ياعسلبس مقولتليش هانشوف ابداعاتك امتى يعنى من وحى الفضا اللى احنا فيه
اكتبى بقى وخلينا نشوف العبقريه اللى جواكى
نورتى
------------
شعنونه
وربنا الاسم عاجبنى جدا
الله يبارك فيكى...وبما اننا عواطليه زى بعض...احنا نشوفلنا اتنين بلوجريه بيشتغلوا ننق عليهم على انا مش بحسد الحقيقه
وانا جيت انوركم اضلمكم حسب الظروف يعنى
اه وبما انك شعنونه...انا بطاطس...ألاسم الحركى بتاعى
الله...شوفتي البلوجر نور ازاي لما جيتي وهليتي علينا كدة......داحنا من غيرك غلابة والله....بص يا ستي ....بالنسبة لموضوع النونو...انا شفتك غبتي كدة قلتي في حاجة من اتنين....يا اما بتولدي اختك ...يا اما النونو شرف وانت عوزة تكلي السبوع لوحدك ..فقلت اخلي الطابق مستور وافضحك بقه...بس متخدنيش في دوكة ....هو النونو جاي انشاء الله يعني جاي...يعني في سبوع... يعني في عزومة ...ولا بلاها انا جاية من غيرها.....
اما عن موضوع الكتابة .....يا بت بلا عبقرية بلا نيلة ....عبقرية ايه ..هو انتي عوزة فضحتي تبقى على كل لسان ولا ايه......هو لي بنقراه عندكو ينفع نكتب حاجة عندنا دا ما فيش وجه منافسة خالص ......متخلي الطابق مستور بلاش فضايح عالهوا كدة ....انا من يوم مدخلتي وقريت مدوناتكو انت وبرايد واوسة واحمد ومحمد..مش حينفع اكتب خالص...انا حكتفي باني اقرالكو بس واكتب تعليقي....دانا لو كتبت مش حلاقي حد يقرالي خالص علشان كلو متجمع عندكو ...ايها التلاتي المرح...سيبك مني يا بنت ...كفاية عليا انتو...ربنا يوفقكو يا رب
الف مبروووووك يا رانا
ايوة كدة تخلصى من التعليم المصرى الجميل
ادعيلى احصلك علشان انا جبت اخرى من الكلية
و مبروك تانى
اصبحتي الان باحثه قد الدنيا
ولكن باحثه عن عمل
اللهم المستعان
:))))
لولولولولولولولولولولولولولولولىىىىىىىىىىىىىىىىىى
والله وبقيتى عاطلة قد الدنيا
عقبالنا يارب
مبروك بشدة
من قلبي اللي عمال يعيط بقاله فترة ..مش هكمل عشان منكدش عليكي في الأيام المفترجة
وعلي فكرة في شباب كتير بيفتحوا نت كافيه
شوفي واحد من قرايبك يكون عفريت كمبيوتر واستثمري فلوسك فيه
قصدي في السايبر مش في العفريت
و العاقبة عندكم في المسرات
وكان في زغروتة عندي علي الجهاز
راحت فين الزفتة مش عارف
المهم الأعمال بالنيات
والسلام ختام
الحمد لله انك ختى حريتك
وانا فعلا كنت هزعل لو كان الخبر السعيد هو انك اتخطبتى
ههههههههه
والله بتمنالك التوفيق فى حياتك العمليه
ان شاء الله
وفى النهايه سلامى
سندريلا
ياابنتى مفيش حاجه اسمها ابداعات وعبقريات والكلام ده...فيه حد بيعرف يبعبر وحد بيعرف يبعبر برضه...علشان ياحبيبتشى لو مطلعتيش اللى جواكى هاتفطسى
---------
mano
الله يبارك فيك ياجميل ...وعقبالك بقى لما تبقى معانا وتيجى جنبنا ونقعد كلنا نغنى ظلموه
--------
استاذ محمد مفيد
والله يافندم حكايه باحثه دى لسه شويه لانى لحد دلوقتى ببحث فى امور المطبخ والتنضيف وتربيه العيال...بس قريب هابحث عن عمل ان شاء الله
-------
دندنه
ربنا يخليكى يارب ويلا متتأخريش علينا هاحجزلك مكان جنبى فى دكه الاحتياطى
لو بتعرفى تزغردى بجد علمينى مش بعرف خالص
-------
ضياء
الله يبارك فيك ياباشا
سيبر ايه وبتاع ايه...انا معرفش اشتغل حاجه مبفهمش فيها
وانا اميتى الكبيوتريه محدش محاها لسه
بس اكيد اكيد ممكن افتح حضانه اجيب فيها ابن اختى ان شاء الله وولاد الجيران
--------
الساحر
الحمد لله اخدتها بعد كتير اوى وطلعت منها زى مادخلتها
بس سيبك لو انا هاتخطب اكيد هاتفرحوا علشان هتلاقوا اللى هايخلصكم منى
قول يارب
المشكلة يا بنت عند كلام كتير بس حطلعو برة ازاي مش عرفة ....كل ماجي اكتب الاقي الكلام اتلخبط في نفوخي فمبقاش عرفة ابتدي منين ولا خلص امنين...دي المشكلة لي عندي...لو في حد يقدر ينصحني بحاجة ينوبو فيا ثواب....بس تعالي هنا قوليلي ...انت بتغطسي فيييييييييين كل مدور عليكي مبلقكيش....طب ولي بتوحشييييه يعمل ايه....
صباحك عسل يا قشطة
رونى
مبروك التخرج ودية فرصة انك تقعدى مع نفسك وتحددى انت عاوزة اية ابدئ باى امكانيات معاكى شوفى الناس من الجيران والاهل والمعارف عاوزين اية واذا انت عملتهم اللى عاوزينة لان هما معندهمش الوقت يعملوة وانت عندك الوقت يبقى لو انت عملتى لهم الشغل دة يبقى من حقك يدفعلك فلوس نظير هذا العمل
انا عارف ان دة كلام جنان فى مصر لكن لابد من تطبيق ان الوقت يساوى فلوس وانك بتطلبى اجر نظير عمل ـ طبعا اجر بسيط فى الاول ـ اية رايك؟
ياسندريلا
مش شرط الكلام يطلع منك مقفى يعنى ولا موزون علشان دى بتبقى موهبه
بس كلامك لو طلع من القلب ايا كانت طريقته هايدخل قلب اللى يقراه
جربى كده اكتبى اى حاجه عن نفسك كليتك او حياتك وشوفى رد فعل الناس
ابقى قوليلى وانا انورك يعنى بلمبه..شمعه اللى هايجيى فى ايدى
وبغطس اكيد فى البانيو هاغطس فين يعنى...ملييش فى المصايف وكلام المرفهين ده
-----------
gid-do
والله انا لو قولت لماما حكايه شغلكم اعملهلوكم بفلوسكم وكده....هاتقولى بالحرف
روحى جتك نيله...مش كفايه بتتعلمى فينا بدل ماتروحى بعد عمر طويل تتعملى فى المسكين اللى مامته داعيه عليه فى ليله القدر اللى هاياخدك
مش عارفه ليه الاعتقاد ده جوه كل الامهات حتى لو بناتهم كويسين
المهم يعنى صعب جدا ياجدو والله انى افكر حتى فى كده...وبعدين مش احمد ربنا انى لما اشتغل هايدونى مرتب مش هايبقى على النوته فى البلد العجيبه دى
انا قريت تعليق حضرتك عليا فى مدونه حضرتك...البلد دى مش مشكلتها الظباط وبس مشكلتها ان كل واحد بيتعالى على اللى حواليه لمجرد انه لابس الشوز لون الحزام ودى رفاهيه مش عندنا فا اللى عنده بيغيظ اللى معندوش
بلد بتاعه شهادات
عامه حضرتك نورت
Post a Comment