لظروف خارجه عن ارداتى طبعا ...اعتذر انى اكمل باقى الحكايات لظروف خاصه بنفسنويتى
انا اسفه بجد كان نفسى اضحكم بس للاسف لو كتبت اى حاجه دلوقتى هانكد عليكم
وهاتشفقوا عليا بقى وحاجات كده وانا مش بحب احاسيس التعاطف لان غالبا بتبقى نابعه من الشفقه
المهم يعنى انى اتغدر بيا من اعز اصحابى ولاسف ملوش حل ضيقى غير انى انسى
انا بس بطلب منكم بس ....تدعولى
ادعولى اعرف الناس بتكذب ليه
ادعولى انى ابطل اثق فى الناس
ادعولى انى افهم انا ليه حصلى كده
وده مش ندم على الصديق....ده ندم على صداقه مكنش يستاهلها
ادعولى بجد
Subscribe to:
Post Comments (Atom)
21 comments:
حلوه أوى البمبة الفكرية دى , وهاحكى و هاعمل و هابسطكم , فكرتينى ب د.نبيل فاروق اللى كتب ملحمته أرزاق من 15 سنه و مخالصهاش لغاية دلوقتى معرفش ليه!!
أيه بقى اللى نكد و شفقه و الكلام الغريب ده , أومال هى أساسا المدونات معموله ليه , عشان الناس تواسى بعض ودى حقيقه تاريخيه.
بالنسبه للغدر ده شىء طبيعى .. أحنا مش فى اليوتوبيا .. أحنا فى أيجيت أير حيث تسود المتناقضات التى تودى للغدر
الناس بتكدب ليه .. بتختلف من واحد لواحد .. ما بين متربح لجبان لموسوس لواحد داؤه الكدب ..
بطلى تثقى فى الناس , ما حدش يستاهل تثقى فيه .. أوك لا لا خلينا نعدل القانون ده شويه بطلى تثقى فى اللى ما يستاهلش .. السؤال أعرف ازاى اللى يستاهل الثقه و اللى يستاهل ضرب الجزمه ؟ .. التجربه , القراءه الكتتير اللى بتعرفك الكتتير عن البشر ,
حصلك كده ليه .. معلش .. بعد يومين يروح الالام و تفضل خبرة الموقف طوال العمر
أولا: أحب إنك تشوفي البوست القديم ده
http://yamarakby.blogspot.com/2006/11/blog-post_10.html#links
ثانيا: أحب أقولك حاجة من خبرتي .. كل ما أنزل أجازة لمصر بأكون مشتاق لأقرب الناس ليا .. وبأتفاجيء بإن الشعور المقابل مش زي اللي عندي .. وسنة ورا سنة ممكن يبقى فيه غدر وخلافة
اللي خلاني أتجاوز الصدمة دي هو إني بدأت أفهم ليه هما بقوا كده .. ضغوط الحياة عمالة تزيد أكتر وأكتر ومخلية الناس مش شايفة هيا بتعمل إيه
يعني بيغدروا بيا علشان هما مشغولين بمشاكل الحياة ومش منتبهين لغدرهم ده .. أو إن مشاكل الحياة علمتهم إنهم يدوسوا على أي حد علشان مصلحتهم تمشي
إوعي تفهمي إني بألتمس ليهم الأعذار .. أنا بس بأفسر هما ليه بيعملوا كده
على فكره مفيش حاجه بتريح زي الفضفضه
فضفضي وقولي كل الي نفسك فيه
و ربنا معاكي
مساء النور يا رنا....ازيك يا حبيبت قلبي......ولا يهمك
دي حجات عادية ..هو احنا هنجيب حاجة من برة...احنا بقينا عيشين في الحجات دي على طول
نفضي وانسي مافيش حاجة تستاهل انك تزعلي عليها احنا لي بنوجع دماغنا في الاخر
انا السال دا سالتو قبلي منك ...ليه الناس بتغدر باقرب الناس ليها...بس للاسف ملقيتشي اجابة خالص..
لقيت اني زي مكون بكلم نفسي وخلاص
ربنا معاكي ويقويكي وينصرك دايما يا رب
سلام
هية دي الحياة ..ودي مش هتكون اخر خيانة .. ولا اوحش واحدة ... المهم انك تتعلمي
وانا اللي كنت ابتديت اندمج في حكاياتك.. من امتي الحياة بتمشي بموود واحد يا روني..مالازم حبة كويسين وحبة وحشين
!!!والا تصوري هتزهقي
ندعيلك طبعا هندعيلك بس انتي استعملي الصفحة هناا نك تخرجي اللي مضايقك بدل ماتتعبي عارفة لما تخرجي ضيقك علي الورق مش حكاية هتستريحي قد ماهي حكاية انك لما تقرية هتلقية اقل كتير م اللي كنتي متخيلاة
روني الجميله
الحزن جوه كل واحد فينا بس لازم ناخد من الحزن الدافع اللي يخلينا نتخلص منه
لازم تفوقي لان الدنيا مش هتقف ولازم تفضفضي وترجعي بسرعه
والا هتخلي الناس تفرح فيكي
لكل جواد كبوه واعتقد انكي اكبر من ان تكسرك تلك الكبوه
اتمني العوده سريعا
وكل عام وانتي بخير
والله أحسنت يا محمد يا مفيد
بصى يا رونى , أحد أسباب متابعتى لمدونتك الجميلة أنا والكثير من زوارك الكرام هى قدرتك على السخرية من المواقف العصيبة بلهجة تهكمية بارعة , خلاص أسخرى من الموقف ده كمان مهما كان صعب وكمان زى ما محمد مفيد بيقولك والا هتخلي الناس تفرح فيكي .
وكل زوارك مستنيين عودتك
وتحياتى ليكى
انا بجد مش عارفه ارد عليكم اقولكم ايه ...بجد ميرسى اوى على كلامكم الرقيق ودعواتكم ليا _لو حد دعى يعنى_ بس انا مشكلتى دلوقتى انى محتاجه ارتب اوراقى واشوف انا غلطت فيه ايه وليه حصل كده
الموضوع محتاج شويه وقت لانى بجد كان ممكن اخسر ناس مهمه اوى عندى بسبب الفيلم الهندى اللى حصل
وللاسف انا محتاجه وقت افكر اذا كنت هاقدر اكتب تانى او للاسف هاضطر اقفل البلوج وازوركم بس
عموما بجد شكرا لكل حد عدى عليا ومكنتش موجوده وكل سنه وانت كلكم طيبين و
happy new year
بصراحة موضوع قفل البلوج ده بقى موضوع ممل جدا جدا ...
يعني الواحد كل ما يتعرف على اصحاب جداد ... ويستريح في الكلام معاهم ...ويضحك ويزعل معاهم ...ويكون دايما في شيئ مشترك بينهم ... شيئ جميل ...هو الصداقة .. فجأة ...تلاقي الصديق ده بيقوللك ...معلش فرصة تانية ...انا همشي ومش هتشوف وشي تاني ....أد ايه الموضوع ده مؤلم ..أد ايه الموضوع ده يخنق ....
يا ريت مشكلاتك يا روني ..متأثرش بالسلب على علاقاتك واصدقائك التانيين .. عشان خلاص احنا اتعودنا عليكي وعلى وجودك معانا ... فياريت متخيبيش ظننا ...وخلليكي معانا على طول ..وبلاش تفكير في قفل البلوج ...لأنه ده مش حل
أنا مش عارف الواحد يقدر يعيش أزاى فى الدنيا من غير تدوين , تيجى أنت تقولى لكل أصحابك اللى عرفوكى عن طريق التدوين خلاص مش هاقدر أكتب تانى !! .. التدوين ده عامل زى (صفارة الحلة البريستو) من غيرها الحلة تفرقع .. يعنى من الاخر التواصل بين العقول بيريح الأنسان يا رونى .. شدى حيالك و قوى عزمك و تعالى تانى بسرعه وبلاش الكلام ده .. كل زوارك مستنيين عودتك عشان تكملى معاهم مسيرة تواصل العقول.
رونة .. احنا بنتضرب علشان نقوم .. وياما دقت على الرؤوس طبول.. المهم اتدفي كويس في البرد العضاض اللي احنا فيه اليومين دول..
بصي يا بنتي..أنا حأدعيلك. مع إني أول مرة آجي هنا، بس أتأثرت بكلامك ..
عادي يعني ولا يهمك..الجانب الإيجابي فيها إنك مررتي بتجربة حتخليكي أكثر مناعة ضد حالات غدر مماثلة ، وحتكوني أقوي من جواكي..وتكملي الطريق وكده :)
المهم كل سنة وأنت طيبة :)
رونى العزيزه
متضايقيش نفسك
هى الدنيا كدة
ان شاء الله تبقى كويسه قريب
طمنينا عليكى
اولا يمكن اكون اول مره ليه هنا
لكن صدقيني الصداقة موجودة وهاتلاقيها وهاتلاقي للي يستاهلها
انا كنت طول عمري بحلم بالصديق اللي هو طول النهار معايا ونتخانق ونلعب ونتصالح بس ملقتهوش كنت بشوف اخويا وصاحبه واقول ليه مفيش ليه كدا يمكن لما كبرت اتغر مفهوم الصداقة لكن لقيتها ومابقتش شخص واحد بقيت شلة كبيره وكبيره والحمدد لله وربنا يسترها وياما كتير اتخدعت وكلنا معرضيت لذلك الاهم اننا نثبت لانفسنا ان اللي قدامنا هو اللي خسران مش احنا ودي اهم وعيشي بكره جاي كدا كدا ومفيش حاجه هاتتغير بزعلنا ولا بضحكنا يبقه نبتسم احسن لينا
وربنا يسهلك وتخرجي من اللي انتي فيه وتكوني احسن يارب
وربنا يسترها
الدنيا مش محتاجه كل الحزن ده
لازم تعدى الالم ونوقف ونقدم دايما للنور و نمنع اى حزن انه يحاول ان يقترب منا
و على العموم ربنا معاكى
اوعي اوعي تعملي كده
هتفضفضي وتطلعي الكلام اللي جواكي وفاكراة كتير ويطلع قليل لمين يا روني
كل سنة وانتي طيبة يا اجمل بنوتة واوعي تقفلي البلوج
بكرة هيبقي احلي ماتقلقيش
السلام عليكم
ماليش دعوة بموضوع البوست و قفل البلوج أنا عاوز أقولك بس
كل سنة و أنت طيبة
اسيب رسالة يعنى اول ماالخدمة تييجى تبلغك اننا بنعيد عليكى ولا ايه :]
كل سنة وانتى عسوولة و لسه فى العشرين بروحك وقلبك وبرائتك
ربنا يفك كربك في هذه الايام الجميله
ويخلف عليك خيرا منها
انه على كل شيء قدير
:)
كل سنه وانت طيبه
:)
Post a Comment