هاى عليكم
والله انا كنت داخله بفكر اكتب عن حاجه حلوه بس ملقيتش حاجه تتكتب او بمعنى اصح اللى لاقيته ملقيتش كلام يعبر عنه
الدنيا بقت ماشيه غلط خالص من كل ناحيه ...حاسه انها بقت ضلمه وهى منوره
الناس بقت بتاكل بعضها بسبب ومن غير سبب
مفيش حد مرتاح واللى المفروض يكون مرتاح عايز اكتر
فيروز بتغنى يامرسال المراسيل
مثلا مثلا خليكم معايا فى شويه افكار او تساؤلات مهمه جدا لاى حد بيشغل الاختراع اللى اسمه العقل اللى عندنا ايوه اللى جوه جمجمتك ورا عينيك ده
*اول مره فى حياتى اشوف جاسوس بيعترف على نفسه ...مش بيحاول ينكر ...واضح انهم كهربوه كويس اوى اللى يخليه يعترف بالسرعه دى وبعدين اسرائيل متدخلتش لانقاذه ليه زى ما عملت مع عزام عزام من قبله؟
ده سؤال محتاج حد من المخابرات يجاوب عنه
*ايه حكايه قناه الاهلى اللى هايبدأ بثها التجريبى مش عارف امتى دى مش كفايه علينا الايه ار تى سبورت بكل قنواتها والنيل الرياضيه ولا مثلا الجزيره الرياضيه
كنا ناقصين مثلا؟
*حد شاف او سمع السيده الفاضله هيفاء وهبى وهى تشدو برائعتها ( نوتى ) يارب اجيب مراره منين لكل الاغانى دى ولا بلاش الاغانى لكل حاجه بتحصل فى الدنيا؟
احنا كنا نقصين هيفا تعملنا شريط للاطفال فعلا
*والكبيره بقى والمسيطره على ساحه الاحداث الفتره اللى فاتت
كارثه هاله سرحان
بغض النظر انى مش بحب الست دى ومش بحب برامجها ( للامانه انا مش بحب برامج التليفزيون خالص) وبستهيف اخواتى لما يتفرجوا عليها او لما يصادف انى اسمع حوارها مع اى حد ومحاولتش مره اسمعها خالص الا مره واحده ايام حلقات زنى المحارم ومن ساعتها حرمت
بس يعنى اى حد عاقل بيفكر لازم يحس ان الموضوع فيه انه
يعنى مثلا ايه اللى عرف البنات دول طريق البرنامج لو هما فعلا كويسين؟
هما بيقولوا واحد اسمه رضا من البرنامج اتصل بيهم وقالهم وهما وافقوا
طب يعرفوا رضا ده منين؟
هو طبعا علمهم عند ربنا بس يعنى انا بفكر بصوت عالى
طب طلعوا ومثلوا زى ما بيقولوا زعلانين ليه؟
يعنى انتوا رضيتوا على نفسكم ان يتقال عليكم كده ولو كدب زعلانين ليه بقى؟
احنا اتفاقنا البوست اللى قبل اللى فات ان الغايه لاتبرر الوسيله
يعنى مش علشان انا محتاجه فلوس اروح اذل نفسى والا استاهل اللى يجرالى
انا بقول انا اروح انام بقى وخلاص
بلا تفكير بلا نيله
بس اوعدكم المره الجايه هاتبقى حاجه حلوه تفرح ان شاء الله
tomorrow i have to present a presentation about the youth problems i havent got any ideas .... i think i'll have to tell the master that me myself is a walking problem
take care all
good night
*******
ماجده الرومى بتغنى يقول انى امرأه
تسمحولى اغنى معاها
يقول انى امرأه
يغار منها النهار
واننى لؤلؤه
تعدو اليها البحار
يقولى انى اةةة انى
يقولى انى امرأه
*****
ويحسب الازهار لونى
وبسمتى نبع الصفاء
والعطر ابحارا بثوبى
ونظرتى وجه الضياء
يقول ان كل اللغات
تحار دائما بوصفى
واننى له الحياه
والحب امضائى وطيفى
يقول لى نهر الجمال
والله كم يهوى الجمال
ولفته الدلال منى
والناس يغويها الدلال
*****
اغنيه من قلبى
اصدائها فى صوتى
كرسول الحب
وعاشق لو يأتى
12 comments:
Rana,
Just a small comment about Halah Sarhan.
I haven't seen the program, I was just saw the promo and read the news.
One question, if a girl like those makes more than 10K a month, why would she go and waste her "time" in a program like this for 200 LE?
Not just that, but put herself in a position where she can get caught after that and lose the whole business.
I bleave those girls, not only because the story from their side makes more sense but also because I hate this so called "Dr." and I haven't seen anything good from her.
Oh, and by the way, why did she leave Egypt and went to Dubai the second day all this happened?
ymawad
شكرا على الكومنت بتاعك
واسمحلى بحب اعلق اوى بالعربى
انا برضه مش بحب هاله سرحان وشايفه انها من كدابين الزفه للممثليين وانها متنفعش فى اى حاجه فى الدنيا الا التهجيص والكلام الفاضى
بس متنكرش اننا عندنا عقول مريضه فى مصر كتير
هتلاقى ناس بتنهب البلد وبتسرق فلوسها وتطلع فى التليفزيون تتكلم عن صالح البلد
زى بالظبط لما يطلع جمال مبارك يتكلم عن التعدديه السلميه فى الاوساط السياسيه اللى هى حاجه هو شخصيا ميعرفش معناها
ودول بقى اسمهم اللى اختشوا ماتوا
واحب اقولك كمان ان الدعاره او اسمها العلمى يعنى
prostitution
منتشرين فى مصر كلها وكمان اللى بيبقوا كده ليهم رخص من وزاره الصحه علشان يشتغلوا فى شرم والغردقه والمناطق السياحيه المهمه
وبعدين انا شفت الحلقه ومش شايفه ان هاله سرحان وضيوفها قالوا اى حاجه غلط
بالعكس دول كانوا بيسألوا سؤال واحد...مهما كان العائد المادى من اى حاجه فى الدنيا ليه اخسر نفسى عشانها
يعنى انا فاكره انها سألت واحده فى البنات مش بتتجوزى ليه قالتلها علشان مش هيقدر يصرف عليا
وبعدين اتفرج على كل افلام زمان هتعرف ان الدعاره غالبيه الوقت بتبقى فى حمايه الحكومه والله اعلم
بلاش
اتفرج تانى على فيلم الباشا تلميذ واسمع كلام الممثل اللى انا للاسف مش فاكره اسمه بس هو كان ظابط ادآب وهو بيقول لحسن حسنى
"انقلنى من الادآب انا خايفه فى يوم اجيلك ملفوف فى ملايه"
واخيرا وليس اخرا ...البنات برضه غلاطنين واهاليهم غلطانين فى حاجه اسمها بنت تخرج ومامتها مش عارفه هى رايحه فين...ده اسمه هبل لامؤاخذه يعنى
انا لحد دلوقتى وانا طويله وهبله ده وعندى 22 سنه وبابا لازم يعرف انا رايحه فين وعند مين واهل صاحبتى بيشتغلوا ايه وعندها كام اخ واخت وفى كليات ايه
متحاولش تقنعنى بقى انهم ضحايا لانهم برضه بيستعبطوا
معلش طولت عليك
بس انت نورت برضه
اه نسيت كمان اقولك ان مش معنى كلامى ان هاله سرحان ملاك...هى كمان غلطانه وسفرها دبى بيأكد ده
علشان متقولش انها دفعالى علشان ادافع عنها
عجبنى تعليقك يا رونى .. تحليل متوزان
بس للأسف أنا مش قادر اعلق عشان ماشفتش الحلقة .. لكن سمعت عنها بس عموما هالة سرحان ماهى إلا أداة إعلامية فى الأول والأخر لا تبتغى أصلاح وتنوير العقول أو أضاقة خبرة جديدة للمُشاهد بقدر ما تبتغى الترافيك الأسطورى على برامجها
يسعدنا تشريفك
www.blogs4arab.com
اذيك عامله ايه
و فين مواضيعك الجامده
اهرشي دماغك اكيد هينزل عليكي الوحي وتكتبي حاجه حلوه من اللي متعوديين عليها
وبالنسبه لهاله زفت مزيعة البورنو اتمنى من الله ان تكون نهايتها ويتبعها اكثالها من اصحاب اعلام الجنس والفضائح
وتحياتي و في انتظار بوست جديد
الحقيقه انا ماشفتش الحلقه بس سمعت عنها وشفت الأعلانات بس احب ااقولك انك متعصبيش نفسك لآن هالة سرحان مهما راحت او جت هتفضل تقدم للناس حاجات تافهه وهي حتى من غير الحلقه اللي انتي بتكلمي عنها هتفضل واحده فاضيع في نظري الشخصي
ياريت تزوري البلوجر بتاعي ممكن؟؟
ممممم
والله اتكلمتي عن كوارث كل واحده منها عاوزه لها بوست
العبط اللي بيسموه فن
والعبط التاني اللي بيقولوا عليه اعلام حواري هادف
والعبط بتاع الحكومة اللي عاوزانا نفهم ان في جاسوس يعترف بالسرعة دي
على فكره انا لسه قاري دلوقتي في الجزيرة خبر انه بيقول اعترف تحت التعذيب
البلد دي عاوزه قنبلة تاخد اللي فوق وتصحي اللي تحت
سلام
السلام عليكم
أية يا بنتي
أنت فييييييييييييييييين؟
ياصباح الليل هي طنط هيفاء الهيفا عملت البوم خاص للاطفال يعني مش كفايه خلتنا نقعد نبوس في الواوا كمان اطلقت ع ملائكه الارض اسم نوتي
لاوالله كويس طب
يارب كلل مسيرتها بالفشل
قولو امين
اما تيزه هاله فدي(.....)من اني اعلق عليها وخاصه بعد ماهربت
والحمد لله اني حتي محولتش اشوف الحلقه
وشكرا ياروووني ع الفضفضه الي هتودينا في داهيه
فضفضتك لذيذه
كانك بتفكرى بصوت عالى فعلا
مش هعلق على هاله
ولا على هيفا
ولا على الجاسوس
ولا على اى حاجه
انا هعلق علينا احنا
احنا اللى ادينا للناس دى فرصه
Post a Comment