انا ابتديت اشك فى (أحمد -مبرمج حر) غالبا هو ساب البرمجه واشتغل مباحث
وغالبا شغل المباحث بيطلع عليا انا
بعتلى تاج للمره الالف بعد الالفين وطبعا مش هاقدر اكسفه واقوله
مكنش انعذر ولا باع جزر ولا قال اسف اوعتذر
بالعكس خالص هجاوب عن التاج ده واى تاج تانى سيادته بيحبه
والسؤال هو
تكلم عن هوايه لما بتمارسها بتستغرق فيها وتنفصل عن عالم الواقع لفتره من الوقت ائناء ممارستها
بص ياسيدى وما ستك الا انا وسيد العباد ربنا
القراءه طبعا طبعا طبعا الهوايه الوحيده اللى بتاخدنى من عالم الواقع ترمينى فى عالم تانى خالص
بس سبحان الله نفس الحاجات اللى اخدتك فى القرايه اخدتنى برضه
يعنى انا ابتديت تقريبا اقرا رجل المستحيل وملف المستقبل وانا فى رابعه ابتدائى وكانوا عالم عجيب بالنسبه ليا بما انى كنت بقرا كتب المدرسه بكل الطلاسم اللى فيها
يعنى انا فاكره اول مره قرينا فيها انا واختى الكبيره قصه "الحرباء" رقم 101 فى سلسله ملف المستقبل كنا خايفين من اى حاجه صغيره ولو حتى صرصار احسن تتقلب وتبقى الحرباء
وفاكره اول مره بنت خاتلى جمعتنا وقعدت تحكيلنا "العنقاء" من سلسله كوكتيل 2000 اننا خفنا من صوت الفراخ وهى بتحرك جناحتها الفجر وصوت الديك وهو بيدن ومقدرناش نقوم نصلى الفجر من الخوف _ ايام البرءاه بعيد عنك _وبرضه اول مره قعدت تحكيلنا "حلقه الرعب " من سلسه ما وراء الطبيعه وكم الاثاره اللى كنا حاسيين بيها وقتها
وكبرت بقى انا وكبر جوايا حبى لنبيل فاروق وكل حاجه بيكتبها ونهمى انى ادور على كل حاجه ليه واقراها لدرجه انى كنت بجيب مجله الشباب علشان اقرا قصص الجاسوسيه اللى بيكتبها
بس برضه انا بحب "نور الدين وفريقه " اكتر من "ادهم صبرى" لان عقلى الضعيف مكنش قادر يستوعب فكره شخص بيضرب باطرافه الاربعه وهو بيضحك فى نفس ذات الوقت
بس مع تقدمى فى السن بقى بقيت بحب كوكتيل 2000 ودراساته الجميله اللى بيكتبها فيه ومؤخرا بقيت بقرا ماوراء الطبيعه (تغير برضه) مع انى حاسه انها ساعات بتكون غريبه شويه
بس انا فاكره فى مره كنت فى تالته اعدادى وكنت كأى طالبه مجتهده فى حصه العربى قاعده فى اخر بنش بقرا تحت الديسك اى قصه اجيبها انا واصحابى
يومها كنت بقرا روايه "دموع كيوبيد " من سلسله زهور وقعدت اعيط لدرجه ان الاستاذ افتكر ان فيه حد مات وانا بعيد عليه
من ضمن الهوايات اللى بنسى فيها الدنيا اغنيه "حافيه القدمين" لكاظم الساهر
ودى بالنسبه للناس اغنيه وبالنسبه ليا هوايه انى اسمعها واحس فيها كل مره احساس جديد ومختلف
اتمنى انى اكون عند حسن ظن سيادتك يااحمد باشا
كل تاج وانت طيب
وتقريبا هو مررله لكل البلوجر سفير بس اللى عايز يجاوبه يتفضل بالهنا والشفا
8 comments:
Rony,
Just a small correction.
Ma wara2 Altabe3ah is not written by Nabil Farouk :D
It's written by Ahmad Khaled Tawfeek.
BTW: I consider myself one of the beggest fans as I followed all what Nabil Farouk wrote since day one (2ash3at al-maout from Malaf al mostaqbal).
Ieven won in the contest the amde (there used to be a coupon in the first issues and you were suppose to collect them and submit them after the end of the contest).
Unfortunatly, I didn't collect my prize and that's for two reasons
1 - I thought traveling all the way to Cairo to get 20 issues of their books is not worse it (It's going to cost it more than the price of the issues)
2 - I was suppose to select from what is published and I already have theo whole series.
It's strange that I liked "seham keyobeed" and this one I remeber among all the other "Zohoor novels" simply because I was trying to convert it to "mosalsal 2eza3y" with my friends :D
Wow, that was way back, I think it waas like 17-18 years ago.
Man, I think I'm getting old :D
Thanks fdor bringing back those memories :)
ymawad
ما أنتى مجاوبة حلو أهوه , أومال زعلانة ليه
يا سبحان الله يا رونى , أنتى اتكلمتى عن احب الروايات ليا
العنقاء و الحرباء و حلقه الرعب
حلقة الرعب بالذات كانت تحفة
هو احمد ساب حد مبعتلوش التاج ده
ده تقريبا بعته لكل المدونين
بجد بجد اجابتك عسل
تحياتى
ymawad
ويلكم ويكلم ياباشا
مبتجيش انت الا علشان الكمنت الصغير
بس لو رجعت تقرا الكلام تانى هتلاقينى كاتبه انى بقيت اقرا ماوراء الطبيعه (تغيير )
وبما انى مدمنه قديمه لنبيل فاروق من زمان جدا اكيد عارفه ان احمد خالد توفيق هو اللى بيكتب ماوراء الطبيعه
وفاكره انا حكايه الكوبون دى بس تصدق عمرى فى حياتى مافكرت ابعته ولا حتى افكر فى المسابقه دى
وبعدين ذكريات قديمه ايه و 17 ,18 سنه ايه ...محسسنى انك من ايام تحتمس الاول
بس تصدق انت كل مره تدخل تعلق وانا معرفش اساسا مين انت ولا اى حاجه تدل عليك
وكمان مش بتكبت بلغتنا الام مع انك بتقرا بيها
بس معلش
نورت سيادتك
--------
مبرمج باشا حر
جرب بقى كمان موقع روايتى
www.rewayty.com
هتلاقي نبيل فاروق بيكتب فيه مقالات سياسيه حلوه اوى
او هو كان بيكتب مش عارفه بطل بقى ولا ايه
واقولك حاجه كمان تقدر تكتشفها فى نبيل فاروق اقرا السلسله الوحشيه فى كوكتيل 2000 فى دارسه اسمها "حبيبى " وباقى اجزائها ودى اكتر من رائعه
وميرسي ياباشا على التاج
----------
reemoo
انا شاكه اساسا انه بيسجلنا واحنا مش عارفين
وهايطلع جاسوس مدسوس فى الاخر والحزق الوطنى مسلطه علينا
يلا ربنا ياستر
ونورت ياباشا ويارب تكرر دايما
بالنسبه للعسل نبقى نتكلم عليه بصوت واطى علشان النمل ميسمعش
Well,
My name is Y. M. Awad
I write in English only because I'm not good at using the Arabic keyboard :D I have been using the English keyboard now for more than 23 years and never had to type in Arabic. Also, I lived most of my life in the west where I didn't have access to Arabic windows nor Arabic keyboard.
This is very bad as I love the Arabic langauge very much and used to write poetry (but that was loooooong time ago).
Looks like you don't want to feal old, do you?
I bought the first issue when I was in the "Thanawyah 3amah" and was 18 or 19 years ago :D
I just found something that I posted on the web long time ago.
Please let me know what do you think, eah?
http://www.geocities.com/nokat_nos_com/PrivatePages/Yaser3awad/Yaser3awad02.htm
ymawad
Sorry, I don't know why my link was cut before Click here
تاج جميل بجد
واجابتك جميلة جدا
يلا خير
خالص مودتى
Hello Rony,
It's min, you reminded me of those old days, so I decided to create
http://lesafaker.blogspot.com/
ymawad
Post a Comment